Pszczółki

ŻYCZENIA DLA DZIADKÓW PO ŚLĄSKU

 

Babcie i Dziadkowie roztomili

Som my radzi, żeście nos odwiedzili

I skuli waszego święta

Kożdy wnuczek, Kożdo wnuczka

Ło wos pamięta!

Winszujymy wom zdrowio dobrego

I wszystkigo nojlepszego.

My bajtle, co tukej przed wami stojymy

Chcemy wom pedzieć, że wom fest przajymy!

 

PIOSENKA „U STARKI”

 

1. Z mamą i tatą do starki łaziłach

Bo maszkietami nos wnuków karmiła.

A do maszkietów zaliczyć musiała

Babówka i szkloki, bo zawsze je miała.

 

Ref.: U starki nom wnukom zawsze dobrze jest

To zjemy posypka z kołocza jak jest

Choć dziób mi tam wykrziwio kompot z kwaśnej wiśni

Jak do nij niy przyda w nocy mi się prziśni.

 

2. Tam chałwa w kuchni leży na byfyju,

A kompot z agrestu stoi kaś w antryju

Lizoków smaku, to żech nie cierpiała

Przesto na placu je bajtlom dawała.
 

3. Co jeszcze tu dodać o kochanej starce,

Że umi mi zrobić w czekoladzie wafle

Jak żodyn w bradrurze przypiyko mi jabłka

Tako kochano jest ta naszo starka.

 

U_starki.mp3

 

 

 

Kolęda „Dzisioj w betlyjce”

1. Dzisioj w betlyjce /2x cuda są i dziwy

    bo prosto z nieba /2x Gośc wielgi tam przibył

ref: Ponboczek w stajni, idź go przigarnij, ci, co tak chcieli, tam przibieżeli,

       a my zaśpiywomy, piyknie porzykomy i mu coś fajnego domy!H

2. Panna Maryjka piastuje w rynkach Ponboczka małego

     i tak se myśli, niych mu się prziśni coś fest pobożnego.

3. Prziszli pastyrze /2x zagrali na lirze,

     czymu na sianie leżysz nasz Panie, kaj zogowek z piyrzym.

4. I trzi królowie /2x ze Wschodu przibyli, /i dary Panu /2x kosztowne złożyli.

 

                   Pastorałka „Gwiozdeczka”          

1. 1. Gwiozdeczka już na niebie
   
   Bżyżdży i szuko ciebie.
2. A my jom wyglądomy/ 2x
   
   I na nia czekomy.

 

1. 2. Już piyrszo gwiozdka świyci
   
   I do stajynki leci.

My za niom się udomy/ 2x

I tak zaśpiywomy:

Przibieżeli do Betlejem pastyrze, pastyrze,

Hej pastyrze!

 

Piosenka śląska „Radosny dziyń”

1. Prziszeł nojpiykniyszy w życiu dziyń

Jezus nom narodził przeca się.
 

ref.: Radość/2x teroz dzieje się

Radujymy dzisiej wszyscy się./2x
 

2. Wszystkie dzwony biją bim bam bom

Piyknie śpiywo teroz kożdy dom.

 

3. W sercach miłość znowu niychaj trwo

Kożdy dobroć ino w sobie Mo.

K_Radosny_dziyn.mp3

Dzieci razem:

O gwiozdo betlejymsko zaświyć nom jaśniutko,

Pódymy po cimoku, ale tak cichutko.

Zaprowodź nos do betlyjki, kaj Jezus narodzony

Do Józefa i Maryji, złożymy mu pokłony.